16. ágúst 2011

Afgreiðsla mála í júlí 2011

Hinn 1. ágúst sl. höfðu umboðsmanni Alþingis borist alls 292 kvartanir frá áramótum og hann hafði á sama tíma tekið sex mál til athugunar að eigin frumkvæði.

Á sama tíma árið 2010 höfðu umboðsmanni borist 231 kvartanir og hann hafði tekið upp sex frumkvæðismál. Málum hefur því fjölgað um 23,2% miðað við sama tíma í fyrra. 

Í júlímánuði 2011 lauk umboðsmaður athugun sinni á 39 málum. Þar af var fjórum athugun lokið með áliti. Nýjar kvartanir í mánuðinum voru 49 talsins. Um mánaðamótin júlí-ágúst voru alls 160 mál til athugunar hjá umboðsmanni. Til samanburðar má geta þess að á sama tíma í fyrra voru 139 mál til athugunar. Þá bárust 43 kvartanir og athugun var lokið á 28 máli í júlí 2010.