16. maí 2012

Afgreiðsla mála í apríl 2012

Hinn 30. apríl  sl. höfðu umboðsmanni Alþingis borist alls 218 kvartanir frá áramótum og hann hafði á sama tíma tekið eitt mál til athugunar að eigin frumkvæði.

Á sama tíma árið 2011 höfðu umboðsmanni borist 154  kvartanir og hann hafði tekið upp fjögur frumkvæðismál. Málum hefur því fjölgað um 41,6% miðað við sama tíma í fyrra. 

Í apríl 2012 lauk umboðsmaður athugun sinni á 31 máli. Nýjar kvartanir í mánuðinum voru  34 talsins. Um mánaðamótin apríl-maí voru alls 209 mál til athugunar hjá umboðsmanni. Til samanburðar má geta þess að á sama tíma í fyrra voru 145 mál til athugunar. Þá bárust 34 kvartanir og athugun var lokið á 29 málum í apríl 2011.