07. júní 2012

Afgreiðsla mála í maí 2012

Hinn 31. maí  sl. höfðu umboðsmanni Alþingis borist alls 256 kvartanir frá áramótum og hann hafði á sama tíma tekið eitt mál til athugunar að eigin frumkvæði.

Á sama tíma árið 2011 höfðu umboðsmanni borist 199  kvartanir og hann hafði tekið upp fjögur frumkvæðismál. Málum hefur því fjölgað um 28,6% miðað við sama tíma í fyrra. 

Í maí 2012 lauk umboðsmaður athugun sinni á 38 málum. Nýjar kvartanir í mánuðinum voru  38 talsins. Um mánaðamótin maí-júní voru alls 209 mál til athugunar hjá umboðsmanni. Til samanburðar má geta þess að á sama tíma í fyrra voru 147 mál til athugunar. Þá bárust 45 kvartanir og athugun var lokið á 43 málum í maí 2011.