Umboðsmaður Alþingis

Athugun á töfum vegna áreiðanleikarannsókna lögreglustjórans á Suðurnesjum

Wed, 11 Mar 2026 10:57:00 GMT

Umboðsmaður hefur óskað eftir upplýsingum frá dómsmálaráðuneytinu um tafir við afgreiðslu mála hjá Útlendingastofnun sem stafa af áreiðanleikarannsóknum sem lögreglustjórinn á Suðurnesjum hefur með höndum.

Athugun lokið á fyrirkomulagi eftirlits MAST með blóðmerahaldi

Mon, 09 Mar 2026 12:52:00 GMT

Umboðsmaður hefur lokið athugun sinni á fyrirkomulag eftirlits með blóðmerahaldi. Athugun umboðsmanns beindist að umfangi þess og skipulagi en einnig var sjónum beint að því mati sem fram fer þegar ákvörðun er tekin um hvort viðurlögum sé beitt eða háttsemi kærð til lögreglu.

Enn frekari upplýsinga óskað vegna fundargerða hjá Reykjavíkurborg

Thu, 26 Feb 2026 10:23:00 GMT

Í svörum Reykjavíkurborgar við spurningum umboðsmanns um tiltekna umsögn skipulagsfulltrúa, sem hengd var við fundargerð afgreiðslufundar hans, er viðurkennt að um meginatriði málsins hafi umboðsmanni verið veittar rangar upplýsingar. Í framhaldi af því óskar umboðsmaður eftir frekari upplýsingum og skýringum.

Fangelsisyfirvöld spurð um ákvarðanir er varða réttindi og skyldur fanga

Wed, 25 Feb 2026 13:03:00 GMT

Umboðsmaður óskaði eftir upplýsingum í tengslum við ákvarðanir sem teknar eru í Fangelsinu Hólmsheiði og lúta að réttindum og skyldum fanga.

Metfjöldi kvartana árið 2025

Fri, 20 Feb 2026 09:32:00 GMT

Umboðsmanni hafa ekki borist fleiri kvartanir á einu almanaksári en í fyrra þegar þær voru 596 sem er fjölgun um 12,5% milli ára. Árið 2024 voru kvartanirnar 530 og höfðu, þar til 2025, flestar verið 570 en það var árið 2021. Undanfarin fimm ár hefur meðalfjöldi kvartana verið 554.

Athugun á reglum um hrákagrímur lokið

Thu, 19 Feb 2026 15:33:02 GMT

Í ljósi áætlunar dómsmálaráðuneytisins um að setja reglur um hrákagrímur og notkun þeirra hefur umboðsmaður ákveðið að ljúka athugun sinni á málinu.

Aðfinnslur við skipulag á stjórnsýslu öryggisgæslu

Mon, 16 Feb 2026 11:05:00 GMT

Að áliti umboðsmanns er stjórnsýsla öryggisgæslu ekki skipulögð með fullnægjandi hætti af hálfu dómsmálaráðuneytisins þar sem ekki er tryggt að ráðherra berist upplýsingar um það þegar misbrestur verður á að rýmkun öryggisgæslu sé hagað til samræmis við niðurstöðu dómstóla. Þá voru viðbrögð ráðuneytisins ekki fullnægjandi þegar ljóst varð að úrskurði Landsréttar um rýmkun öryggisgæslu tiltekins manns hefði ekki verið framfylgt innan hæfilegs tíma.

Athugun á málsmeðferðartíma úrskurðarnefndar um upplýsingamál lokið

Thu, 12 Feb 2026 13:45:00 GMT

Með vísan til skýringa forsætisráðuneytisins hefur umboðsmaður ákveðið að láta athugun sinni á málsmeðferðartíma úrskurðarnefndar um upplýsingamál lokið.

Athugun lokið á birtingu gjaldskrár og gjaldtöku Sorpu

Wed, 21 Jan 2026 11:04:00 GMT

Umboðsmaður hefur lokið athugun sinni á birtingu gjaldskrár Sorpu fyrir meðhöndlun úrgangs og á gjaldtöku fyrir meðhöndlun raf- og rafeindatækjaúrgangs.

Athugun á málsmeðferðartíma hjá Persónuvernd lokið

Mon, 19 Jan 2026 13:24:59 GMT

Umboðsmaður hefur lokið frumkvæðisathugun sinni á málsmeðferðartíma kvartana hjá Persónuvernd.

Frávísun ekki í samræmi við lög

Thu, 15 Jan 2026 11:07:12 GMT

Frávísun úrskurðarnefndar velferðarmála á kæru vegna endurgreiðslu ofgreiddra atvinnuleysisbóta var ekki í samræmi við lög.

Málsmeðferð matvælaráðuneytisins á umsókn um leyfi til hvalveiða ekki í samræmi við lög

Wed, 14 Jan 2026 13:52:57 GMT

Stjórnsýslulögum var ekki fylgt við meðferð matvælaráðuneytisins á umsókn um leyfi til hvalveiða.

Aðbúnaður og umsjón í fangageymslu lögreglunnar á Hverfisgötu

Wed, 07 Jan 2026 16:28:00 GMT

Aðbúnaður og umsjón með fólki sem vistað er í fangageymslu lögreglunnar á Hverfisgötu í Reykjavík er ekki viðunandi að mati umboðsmanns. Meðal annars virðast tæknilegir annmarkar vera á eftirliti, vistaðir komast ekki alltaf á salerni að eigin ósk og stundum með þeim afleiðingum að þeir neyðast til að gera þarfir sínar í klefa. Þá eru klefarnir ekki endilega þrifnir strax í kjölfarið.

Tilmæli og ábendingar vegna fangageymslu lögreglunnar við Hverfisgötu áréttuð

Wed, 07 Jan 2026 16:18:00 GMT

Í fyrstu eftirfylgniskýrslu sinni áréttar umboðsmaður fyrri tilmæli og ábendingar við lögreglustjórann á höfuðborgarsvæðinu vegna fangageymslunnar við Hverfisgötu.

Athugun á HPV bólusetningu barna lokið

Fri, 19 Dec 2025 08:44:00 GMT

Í ljósi fyrirætlana heilbrigðisráðherra um fjármögnun bólusetninga drengja gegn HPV og sérstaks átaks landlæknis hefur umboðsmaður lokið frumkvæðisathugun á gjaldtöku vegna HPV bólusetninga barna á grunnskólaaldri.

Frávísun á stjórnsýslukæru ekki í samræmi við lög

Thu, 18 Dec 2025 14:52:34 GMT

Frávísun úrskurðarnefndar velferðarmála á stjórnsýslukæru, með vísan til þess að fullgildum fóstursamningi væri ekki til að dreifa í málinu, var ekki í samræmi við lög.

Frávísun kærunefndar útlendingamála ekki í samræmi við lög

Wed, 17 Dec 2025 13:55:12 GMT

Að áliti umboðsmanns var mat kærunefndar útlendingamála á því hvort taka ætti til meðferðar kæru sem barst að liðnum kærufresti ófullnægjandi.

Eftirfylgniheimsókn til lögreglustjórans á Suðurnesjum

Mon, 15 Dec 2025 08:51:47 GMT

Umboðsmaður og starfsfólk í OPCAT-teymi hennar fóru í síðustu viku í svokallaða eftirfylgniheimsókn til lögreglustjórans á Suðurnesjum. Tilgangur slíkra heimsókna er að fara yfir viðbrögð við tilmælum og ábendingum úr fyrri skýrslum umboðsmanns.

Afturköllun ráðningar og andmælaréttur

Mon, 08 Dec 2025 11:14:37 GMT

Ákvörðun um að falla frá ráðningu ríflega þremur vikum eftir að umsækjanda var boðið starf var ekki í samræmi við stjórnsýslulög. Tókst stjórnvaldinu hvorki að sýna fram á að skilyrði hafi verið til staðar til afturköllunar né gaf þeim sem hafði verið ráðinn færi á að nýta andmælarétt sinn.

Ábendingar um úrbætur í fangageymslum á Vesturlandi

Wed, 03 Dec 2025 10:52:30 GMT

Í nýrri skýrslu umboðsmanns vegna OPCAT-eftirlits í fangageymslum lögreglunnar á Vesturlandi er bent á ýmislegt sem færa þurfi til betri vegar. Þetta var fimmta heimsókn umboðsmanns í fangageymslur lögreglu og eru ábendingar og tilmæli til stjórnvalda um margt áþekk því sem komið hefur fram í fyrri skýrslum umboðsmanns vegna heimsókna í fangageymslur.

Vafi lék á um aðdraganda starfsloka við framhaldsskóla

Mon, 01 Dec 2025 15:45:45 GMT

Verulegur vafi lék á með hvaða hætti starfslok við framhaldsskóla bar að þar sem enginn skriflegur gerningur lá fyrir um þau. Hafði ekki verið sýnt fram á að undirbúningur og úrlausn málsins hefði verið í samræmi við þá lögboðnu málsmeðferð sem ætlað er að tryggja réttaröryggi ríkisstarfsmanna við ákvörðunartöku um starfslok þeirra.

Ráðstefna í Strassborg um OPCAT-eftirlit

Wed, 26 Nov 2025 14:14:50 GMT

Fulltrúar frá 28 Evrópulöndum sem sinna eftirliti á grundvelli OPCAT, valfrjálsrar bókunar við samning Sameinuðu þjóðanna gegn pyndingum, hittust á ráðstefnu á vegum Evrópuráðsins og Evrópusambandsins í Strassborg í liðinni viku. Sérfræðingar á vegum Evrópuráðsins héldu einnig erindi um ýmis atriði sem huga verður að við eftirlitið.

Málsmeðferðartími úrskurðarnefndar um upplýsingamál aftur til athugunar

Tue, 25 Nov 2025 13:57:44 GMT

Umboðsmaður spyr forsætisráðuneytið um hvort afgreiðslutími mála hjá úrskurðarnefnd um upplýsingamál og starfsaðstæður hennar hafi verið til skoðunar hjá ráðuneytinu. Jafnframt er óskað eftir upplýsingum um hvort gripið hafi verið til einhverra aðgerða til að hraða meðferð mála hjá nefndinni og þá hverra eða hvort einhverjar slíkar aðgerðir séu fyrirhugaðar.

Spurt um reglur um notkun hrákagríma hjá lögregluembættum

Tue, 18 Nov 2025 13:58:12 GMT

Umboðsmaður hefur óskað eftir upplýsingum frá dómsmálaráðuneytinu um hvort einhverjar reglur séu til um notkun svonefndra hrákagríma og hvort notkun þeirra teljist að mati ráðuneytisins til valdbeitingar.

Eftirlit að nóttu til í fangageymslu lögreglu

Fri, 14 Nov 2025 12:50:00 GMT

Umboðsmaður og starfsmenn hennar fóru í október í næturlangt eftirlit í fangageymslu lögreglunnar við Hverfisgötu, frá föstudagskvöldi til laugardagsmorguns. Heimsóknin er liður í athugun umboðsmanns sem beinist sérstaklega að umönnun og aðbúnaði þeirra sem vistast í fangageymslunni en ábendingar sem umboðsmanni bárust urðu til þess að ákveðið var að stofna til þessarar athugunar.

Óréttlættar tafir á afgreiðslu stjórnsýslukæru

Thu, 16 Oct 2025 10:10:00 GMT

Afgreiðsla matvælaráðuneytisins og síðar atvinnuvegaráðuneytisins á stjórnsýslukæru, sem var þá enn til meðferðar í ráðuneytinu, dróst úr hófi. Ráðuneytið hafði ítrekað tilkynnt um fyrirsjáanlegar tafir og lýst fyrirætlunum um afgreiðslu málsins sem höfðu brugðist.

Breyttar forsendur og athugun því lokið á fyrirkomulagi réttindagæslu fyrir fatlað fólk

Wed, 15 Oct 2025 15:46:00 GMT

Umboðsmaður hefur lokið athugun sinni á því hvort þáverandi fyrirkomulag eða framkvæmd réttindagæslu fyrir fatlað fólk væri í samræmi við efni og markmið samnefndra laga. Eftir gildistöku laga um Mannréttindastofnun Íslands 2025 voru ekki lengur forsendur til að halda athuguninni til streitu.

Samnorrænn OPCAT-eftirlitsfundur haldinn í Reykjavík

Wed, 24 Sep 2025 14:03:00 GMT

Fyrir skömmu var samnorrænn fundur OPCAT-teyma umboðsmanna Norðurlandanna, sem sinna eftirliti með aðstæðum frelsissviptra, haldinn í Reykjavík. Þetta er árlegur viðburður sem þátttökuríkin skiptast á að halda og í annað sinn sem fundað er á Íslandi. Ásamt Íslendingum sóttu Danir, Finnar, Norðmenn og Svíar fundinn.

Umboðsmaður óskar nánari skýringa frá Reykjavíkurborg

Mon, 22 Sep 2025 10:53:00 GMT

Í tilefni af svörum Reykjavíkurborgar um breytingar á birtum fundargerðum hefur umboðsmaður óskað eftir frekari skýringum og upplýsingum til að varpa gleggra ljósi á þá atburðarás sem átti sér stað.

Bregðast hefði mátt fyrr við í Blönduhlíð

Fri, 12 Sep 2025 08:31:00 GMT

Frumkvæðisathugun umboðsmanns á fyrirkomulagi og umfangi aðgangstakmarkana gagnvart börnum sem vistuð eru á meðferðarheimilinu Blönduhlíð, sem nú er starfrækt á sjúkrahúsinu Vogi, er lokið. Brugðist hefur verið við þeirri hættu sem stafað gat af því að börn færu út um glugga á annarri hæð hússins. Er fundið að því að ekki hafi verið gripið til aðgerða fyrr til að tryggja öryggi barnanna.

Framsal valds hjá Reykjavíkurborg og framsending á kæru

Fri, 05 Sep 2025 10:45:00 GMT

Ákvörðun Reykjavíkurborgar um að hætta stuðningsþjónustu og málsmeðferð í tengslum við þá ákvörðun var ekki lögð í réttan farveg af hálfu úrskurðarnefndar velferðarmála. Hefði það verið gert má ætla að nefndinni hefði orðið ljóst að ákvarðanirnar voru ekki teknar af þar til bærum aðilum innan sveitarfélagsins.

Skýrsla umboðsmanns 2024 og breytingar á ásýnd

Fri, 29 Aug 2025 11:57:00 GMT

Í skýrslu umboðsmanns fyrir árið 2024 getur að líta fyrstu breytingar á ásýnd embættisins. Ný og endurbætt ásýnd felur í sér nýtt merki, uppfærða liti, nýtt letur sem valið er með læsileika i huga, mynstur og fleira sem myndar saman heildstætt útlit.

Sjónarmið um aðgang að gögnum í ráðningarmálum áréttuð

Fri, 11 Jul 2025 10:13:00 GMT

Afgreiðsla Fjarskiptastofu á beiðni um aðgang að gögnum vegna ráðningar í starf var ekki í samræmi við stjórnsýslulög. Af því tilefni áréttar umboðsmaður ýmis sjónarmið sem áður hefur verið fjallað um í slíkum málum.

Ráðuneyti spurt um lausnir á vanda Útlendingastofnunar vegna umsókna um ríkisborgararétt

Mon, 07 Jul 2025 11:28:00 GMT

Dómsmálaráðuneytið hefur verið beðið um upplýsingar um hvort og þá hvaða ráðagerðir séu uppi til að vinna bug á þeim vanda sem Útlendingastofnun virðist eiga við að etja við afgreiðslu umsókna um ríkisborgararétt.

Beðið um upplýsingar vegna afgreiðslutíma þjónustumiðstöðvar Sjúkratrygginga

Wed, 02 Jul 2025 10:17:00 GMT

Umboðsmaður hefur óskað eftir að heilbrigðisráðuneytið upplýsi hvers vegna þjónustumiðstöð Sjúkratrygginga Íslands við Vínlandsleið hefur verið lokað á föstudögum.

Skýringa óskað á nafnlausum ákvörðunum stofnana

Tue, 01 Jul 2025 13:11:00 GMT

Við meðferð kvartana hjá umboðsmanni hefur orðið vart við tilvik þar sem ekki er ritað með nafni starfsmanns undir ákvarðanir hjá sumum stofnunum.

Útlendingastofnun beðin um upplýsingar um málsmeðferðartíma

Thu, 19 Jun 2025 14:01:00 GMT

Í tilefni kvörtunar sem laut að löngum málsmeðferðartíma Útlendingastofnunar vegna afgreiðslu umsóknar um íslenskan ríkisborgararétt og upplýsinga sem komu fram á vef stofnunarinnar á sama veg er umboðsmaður með það til skoðunar hvort taka beri málsmeðferðartímann í þessum málum til skoðunar að eigin frumkvæði.

Óskað upplýsinga frá Reykjavíkurborg um fundargerðir

Thu, 12 Jun 2025 14:11:43 GMT

Í tilefni af umfjöllun í fréttum um að fundargerð afgreiðslufundar skipulagsfulltrúa hefði verið tekin út af vefsíðu Reykjavíkurborgar, henni breytt og hún birt á ný hefur umboðsmaður óskað eftir tilteknum upplýsingum og skýringum frá Reykjavíkurborg.

Áskilnaður um rafrænar starfsumsóknir til skoðunar

Mon, 12 May 2025 10:09:00 GMT

Nokkur brögð eru að því að í auglýsingum um laus opinber störf komi fram að aðeins sé hægt að sækja um þau rafrænt. Í tilefni af því hefur umboðsmaður óskað eftir upplýsingum frá nokkrum stjórnvöldum um starfsauglýsingar þeirra að þessu leyti.

OPCAT-eftirlit í fangelsinu á Hólmsheiði

Fri, 09 May 2025 10:20:00 GMT

Í vikunni hefur umboðsmaður og sex manna teymi hennar kynnt sér aðstæður fanga í fangelsinu á Hólmsheiði. Þetta er liður í OPCAT-eftirliti með stöðum þar sem frelsissvipt fólk dvelur.

Óskað eftir upplýsingum frá MAST

Thu, 08 May 2025 13:33:48 GMT

Umboðsmaður hefur í kjölfar ábendinga og umfjöllunar fjölmiðla óskað eftir upplýsingum og skýringum frá Matvælastofnun (MAST) í tengslum við rannsókn stofnunarinnar á meintri illri meðferð á blóðmerum.

OPCAT eftirlit í fangageymslum lögreglunnar á Hverfisgötu

Mon, 05 May 2025 10:11:00 GMT

Umboðsmaður og nokkrir starfsmenn hennar skoðuðu fangageymslur lögreglunnar á Hverfisgötu í síðustu viku, kynntu sér aðbúnað þar og ræddu við bæði fanga og starfsfólk.

Ekki farið að hæfisreglum við staðfestingu á strandsvæðisskipulagi Austfjarða

Tue, 15 Apr 2025 13:54:39 GMT

Starfsmann innviðaráðuneytisins brast hæfi til að taka þátt í vinnu við staðfestingu ráðuneytisins á strandsvæðisskipulagi Austfjarða. Vegna fyrra starfs var aðkoma hans ekki í samræmi við óskráða meginreglu stjórnsýsluréttar um sérstakt hæfi.

Athugun á upplýsingagjöf skrifstofu forseta Íslands lokið

Mon, 14 Apr 2025 10:06:30 GMT

Athugun umboðsmanns á upplýsingagjöf skrifstofu forseta Íslands er lokið. Áfram verður þó fylgst með afgreiðslu skrifstofunnar á beiðnum um upplýsingar og þær teknar til skoðunar eftir atvikum.

Athugun á niðurgreiðslu brjóstaskimana lokið

Mon, 07 Apr 2025 13:33:00 GMT

Umboðsmaður hefur lokið athugun á niðurgreiðslu brjóstaskimana vegna krabbameinsleitar, þar sem allar konur njóta nú sömu niðurgreiðslu.

Fangageymsla lögreglu hentar ekki sem úrræði fyrir neyðarvistuð börn

Fri, 14 Mar 2025 11:19:00 GMT

Fangageymsla á lögreglustöðinni á Flatahrauni í Hafnarfirði er ekki viðeigandi vistunarstaður fyrir börn og er því beint til Barna- og fjölskyldustofu að endurskoða þá tilhögun. Þetta kemur fram í nýrri skýrslu umboðsmanns um starfsemi neyðarvistunar Stuðla sem að hluta hefur verið þarna til húsa frá því í nóvember 2024.

Athugun lokið á afgreiðslu Útlendingastofnunar á umsóknum um dvalarleyfi

Mon, 03 Mar 2025 14:47:00 GMT

Í kjölfar skýringa Útlendingastofnunar hefur umboðsmaður lokið athugun á afgreiðslu stofnunarinnar á umsóknum um dvalarleyfi. Áréttað er að það kunni að vera nauðsynlegt fyrir stjórnvald að koma á framfæri viðeigandi upplýsingum og leiðréttingum á röngum frásögnum í fjölmiðlum.

Bent á meinbugi á lögum um tekjuskatt

Tue, 25 Feb 2025 08:43:00 GMT

Meinbugir eru á lögum um tekjuskatt að áliti umboðsmanns því ekki er unnt að kæra synjun ríkisskattstjóra, á beiðnum um breytingar á ákvörðun um skattstofn eða skattálagningu, til yfirskattanefndar.

Umboðsmaður skoðar upplýsingagjöf hjá forsetaembættinu

Thu, 06 Feb 2025 11:25:00 GMT

Óskað hefur verið eftir upplýsingum frá skrifstofu forseta Íslands um fyrirkomulag upplýsingagjafar um málefni sem snerta forsetann, svo sem hvaða reglur gilda um meðferð beiðna um upplýsingar um dagskrá forseta.

Brýnt að bregðast skjótt við og skoða hvort réttaröryggi fatlaðs fólks sé nægilega tryggt

Tue, 04 Feb 2025 09:53:19 GMT

Meðferð mála vegna beiðna þeirra sem þjónusta fatlað fólk á heimilum þess og í daglegu lífi, um undanþágur frá banni við að beita fatlað fólk nauðung, dregst í mörgum tilfellum úr hófi. Einhver fjöldi þess býr jafnvel við ólögmæta nauðung í daglegu lífi. Að mati umboðsmanns eru áhöld um hvort núverandi fyrirkomulag í tengslum við beitingu nauðungar gagnvart fötluðu fólki þjóni nægilega hagsmunum þess.

Málsmeðferð og framganga ríkisskattstjóra í kærumálum

Tue, 28 Jan 2025 10:31:42 GMT

Umboðsmaður mælist til þess að ríkisskattstjóri taki mið af tilteknum sjónarmiðum við meðferð beiðna um endurupptöku máls og hugi að hlutverki sínu sem lægra sett stjórnvald í kærumálum.

Óskað skýringa á margföldum mun á greiðslum fyrir brjóstaskimun

Tue, 21 Jan 2025 12:44:15 GMT

Umboðsmaður hefur óskað eftir upplýsingum frá heilbrigðisráðuneytinu um hvaða forsendur séu fyrir því að niðurgreiða ekki brjóstaskimun kvenna í áhættuhópi að sama marki og annarra.

Fjöldi kvartana áþekkur milli ára en töluvert fleiri mál afgreidd en árið áður

Mon, 20 Jan 2025 15:00:00 GMT

Umboðsmanni bárust 530 kvartanir á árinu 2024 sem er svipað og undanfarin fimm ár. Fleiri mál voru hins vegar afgreidd eða 566 sem er 16% meira en árið 2023. Þrettán mál voru tekin til skoðunar að eigin frumkvæði og 17 slíkum lokið. Farið var í sjö heimsóknir á grundvelli OPCAT-eftirlits umboðsmanns og gefnar voru út þrjár skýrslur.

Réttindagæsla fyrir fatlað fólk til skoðunar

Fri, 17 Jan 2025 12:27:00 GMT

Umboðsmaður hefur óskað eftir upplýsingum frá félags- og vinnumarkaðsráðuneytinu um breytt fyrirkomulag og framkvæmd réttindagæslu fyrir fatlað fólk.

Norskar örorkubætur hefðu ekki átt að skerða greiðslur frá Tryggingastofnun

Wed, 15 Jan 2025 10:04:45 GMT

Greiðslur frá norsku vinnu- og velferðarstofnuninni (NAV) vegna örorku jöfnuðust á við bætur sem greiddar voru hér á landi í skilningi þágildandi ákvæðis laga um almannatryggingar. Þær hefðu því ekki átt að skerða tekjutryggingu.

Andmælaréttur ekki virtur

Mon, 06 Jan 2025 14:00:00 GMT

Allt of oft hnjóta stjórnvöld um sömu hindranirnar í stjórnsýslu sinni og það þrátt fyrir að umboðsmaður hafi ítrekað bent á fótakeflið.

Fjallað um aðbúnað kvenna í íslenskum fangelsum í alþjóðlegri skýrslu um stöðu kvenfanga

Fri, 27 Dec 2024 10:20:00 GMT

Fjallað er um stöðu kvenna í fangelsum í 46 löndum víðs vegar um heim í nýrri skýrslu frá Samtökum um varnir gegn pyndingum, sem umboðsmaður tók þátt í að gera. Í henni er meðal annars bent á hvernig betur má gæta að réttindum þeirra sem sviptar hafa verið frelsi.

Ýmsu ábótavant er varðar aðbúnað og umgjörð starfseminnar á neyðarvistun Stuðla

Thu, 19 Dec 2024 13:34:00 GMT

Óviðunandi eftirlit með börnum, ófullnægjandi húsnæði og samskiptamöguleikar, heilbrigðisþjónusta, valdbeiting og útivistarkostir eru á meðal atriða sem umboðsmaður gerir athugasemdir við í nýrri skýrslu um neyðarvistun Stuðla og mælist til að verði færð til betri vegar.

Neyðarvistun barna á lögreglustöð í Hafnarfirði tekin út

Tue, 17 Dec 2024 10:08:00 GMT

Umboðsmaður og starfsfólk í OPCAT-teymi hennar skoðuðu í síðustu viku neyðarvistun barna sem er nú um stundir á lögreglustöðinni við Flatahraun í Hafnarfirði.

Reykjavíkurborg sein til svars og minnt á reglur um málshraða

Wed, 11 Dec 2024 13:10:00 GMT

Umboðsmaður brýnir fyrir Reykjavíkurborg að gæta að reglum um málshraða eftir að það tók meira en tvö ár að afgreiða beiðni einstaklings um aðgang að gögnum og upplýsingum hjá umhverfis- og skipulagssviði.

Útlendingastofnun beðin um upplýsingar um dvalarleyfisumsóknir

Tue, 03 Dec 2024 12:14:00 GMT

Umboðsmaður hefur óskað eftir upplýsingum frá Útlendingastofnun um afgreiðslu umsókna um dvalarleyfi eftir að lögum var breytt. Beinast sjónir hans meðal annars að því hvort lögunum hafi verið beitt afturvirkt.

OPCAT heimsókn frá Lettlandi

Thu, 21 Nov 2024 08:49:27 GMT

Fulltrúar úr OPCAT-teymi lettneska umboðsmannsins komu í heimsókn í vikunni til að kynna sér störf og áherslur íslenskra kollega sinna hjá umboðsmanni Alþingis.

Kjörinn umboðsmaður tekur til starfa

Fri, 01 Nov 2024 09:00:00 GMT

Kristín Benediktsdóttir hefur tekið til starfa sem umboðsmaður Alþingis. Hún var kjörin frá 1. október en þurfti að ljúka skyldustörfum sínum og verkefnum á öðrum vettvangi áður en hún gat leyst forvera sinn af hólmi. Í millitíðinni var Helgi I. Jónsson settur umboðsmaður.

Á myndinni eru Ragna Árnadóttir, skrifstofustjóri Alþingis, Kristín Benediktsdóttir, umboðsmaður Alþingis og Birgir Ármannsson forseti Alþingis.

Ekki gerðar athugasemdir við afgreiðslu á framkvæmdaleyfi þriðja áfanga Arnarnesvegar

Mon, 28 Oct 2024 10:48:57 GMT

Settur umboðsmaður telur hvorki efni til að gera athugasemdir við afgreiðslu Kópavogsbæjar á framkvæmdaleyfi fyrir þriðja áfanga Arnarnesvegar né þá niðurstöðu úrskurðarnefndar umhverfis- og auðlindamála að hafna kröfu um ógildingu leyfisins.

Ráðuneyti leysi úr ágreiningi um laun fanga og greiðslu launatengdra gjalda

Wed, 09 Oct 2024 10:45:33 GMT

Ólík afstaða dómsmálaráðuneytis og fjármála- og efnahagsráðuneytis til þess hvort þóknun fanga fyrir vinnu í fangelsi sé skattskyld og þá hvort greiða beri önnur launatengd gjöld er óviðunandi að áliti umboðsmanns. Ráðuneytin hafa verið á öndverðum meiði í hartnær tvo áratugi og dómsmálaráðuneytið ekki brugðist við tilmælum umboðsmanns frá 2007.

Óskað eftir upplýsingum frá Persónuvernd um kvartanir, afgreiðslutíma og verklag

Wed, 02 Oct 2024 13:03:03 GMT

Undanfarin misseri hafa umboðsmanni borist kvartanir og ábendingar vegna tafa á afgreiðslu mála hjá Persónuvernd. Á vef stofnunarinnar kemur fram að 236 mál séu óafgreidd. Óskað er eftir upplýsingum um stöðu mála og það verklag sem viðhaft er, svo sem með tilliti til viðmiða um afgreiðslutíma.

Settur umboðsmaður í október

Tue, 01 Oct 2024 13:27:17 GMT

Helgi I. Jónsson fyrrverandi hæstaréttardómari hefur verið settur umboðsmaður Alþingis á meðan nýkjörinn umboðsmaður lýkur störfum sínum og verkefnum á öðrum vettvangi.

Kristín Benediktsdóttir kjörin umboðsmaður Alþingis

Thu, 26 Sep 2024 15:11:17 GMT

Kristín Benediktsdóttir prófessor við lagadeild Háskóla Íslands var í dag kjörin umboðsmaður Alþingis frá 1. október nk. til næstu fjögurra ára.

Málsmeðferð tekur of langan tíma og forsætisráðherra hvattur til að stuðla að úrbótum

Tue, 24 Sep 2024 10:06:47 GMT

Ljóst er að úrskurðarnefnd um upplýsingamál kveður úrskurði sína að jafnaði ekki upp svo fljótt sem verða má og oft ekki heldur innan lögbundins 150 daga hámarksviðmiðs. Í ljósi þess að þegar hefur verið gripið til aðgerða til að stytta málsmeðferðartíma og fyrirætlana um að bæta enn frekar úr, hefur umboðsmaður ákveðið að ljúka athugun sinni en væntir þess um leið að forsætisráðherra leggi sitt lóð á vogarskálarnar til úrbóta, eftir því sem hann telur nánari greiningu á vanda nefndarinnar kalla á.

Skýrsla umboðsmanns rædd í stjórnskipunar- og eftirlitsnefnd Alþingis

Wed, 18 Sep 2024 15:13:54 GMT

Skýrsla umboðsmanns fyrir árið 2023 var rædd á fundi stjórnskipunar- og eftirlitsnefndar Alþingis í byrjun vikunnar.

Ársskýrslan á ensku - Annual Report in English

Mon, 09 Sep 2024 11:29:12 GMT

Skýrsla umboðsmanns fyrir árið 2023 er nú komin út á ensku. Þetta er annað árið sem hún er gefin út á ensku og í eilítið styttri útgáfu en sú íslenska.

Skýrsla umboðsmanns fyrir árið 2023

Fri, 30 Aug 2024 09:54:00 GMT

Aðeins einu sinni hafa umboðsmanni borist fleiri kvartanir en síðastliðið ár. Samtals voru þær 548 sem er tæplega 4% fjölgun milli ára. Tuttugu mál voru tekin upp að eigin frumkvæði, farið var í sjö heimsóknir á grundvelli OPCAT-eftirlits embættisins og gefnar út fjórar skýrslur í tengslum við það. 489 mál voru afgreidd, þar af 18 með áliti.

Makar fjárræðissviptra geta átt rétt á að val á lögráðamanni sé endurskoðað

Mon, 19 Aug 2024 10:11:00 GMT

Ef annað hjóna hefur verið svipt fjárræði verður að miða við að hitt hafi verulega og einstaklingsbundna hagsmuni af því að á milli þess og lögráðamanns þess fjárræðissvipta ríki traust og góð samvinna. Ella verður að leggja til grundvallar að viðkomandi geti haft beina, verulega og sérstaka hagsmuni af því að fá úr því leyst hvort tilefni sé til að endurskoða ákvörðun sýslumanns um val á lögráðamanni.

Athugun á notkun lögreglunnar á einkennismerkjum lokið

Mon, 22 Jul 2024 10:06:00 GMT

Með hliðsjón af svörum ríkislögreglustjóra um áformaðar breytingar á ákvæðum reglugerðar um einkenni og merki lögreglunnar hefur umboðsmaður lokið athugun sinni á málinu.

OPCAT-eftirlit í fangageymslum á Vesturlandi

Wed, 10 Jul 2024 09:16:21 GMT

Aðbúnaður í fangageymslum á Akranesi og í Borgarnesi var skoðaður í vikunni sem og öll aðstaða þar. Heimsóknin er liður í OPCAT-eftirliti umboðsmanns með stöðum þar sem frelsissvipt fólk dvelur.

Faglært starfsfólk og eftirlit skortir í tveimur einkareknum úrræðum fyrir börn

Tue, 02 Jul 2024 10:10:00 GMT

Fjallað er um lögbundna ábyrgð ríkis og sveitarfélaga á þjónustu við börn með fjölþættan vanda í tveimur skýrslum um einkarekin búsetuúrræði fyrir 13-18 ára börn. Ábendingar og tilmæli umboðsmanns til þeirra og stjórnvalda eru um margt þau sömu í skýrslunum tveimur. Lúta þau m.a. að því að það skorti umgjörð og eftirlit af hálfu sveitarfélaga með starfseminni og aðkomu fagfólks að umönnun barnanna

Leggja bar mat á rétt íbúa hjúkrunarheimilis til reykinga á eigin herbergi

Thu, 27 Jun 2024 10:47:55 GMT

Réttur starfsmanna til reyklauss vinnuumhverfis útilokar ekki að íbúa hjúkrunarheimilis sé veitt undanþága til að reykja inni á eigin herbergi ef aðstæður leyfa.

Stjórnvald endurupptekur mál vegna sjúkrakostnaðar erlendis

Wed, 19 Jun 2024 14:14:00 GMT

Í framhaldi af nýlegu áliti umboðsmanns um endurgreiðslu sjúkrakostnaðar erlendis hefur úrskurðarnefnd velferðarmála ákveðið að endurskoða annað slíkt mál.

OPCAT-eftirlit á hjúkrunarheimilinu Skjóli

Wed, 19 Jun 2024 12:41:57 GMT

Aðbúnaður og aðstæður þeirra sem dvelja á tveimur deildum á hjúkrunarheimilinu Skjóli í Reykjavík voru skoðaðar í þessari og síðustu viku af umboðsmanni og starfsmönnum hans. Meirihluti íbúa deildanna er með heilabilunarsjúkdóm og býr við aðgangstakmarkanir.

Umboðsmaður fær lausn frá embætti

Tue, 18 Jun 2024 18:38:00 GMT

Forseti Alþingis hefur fallist á lausnarbeiðni Skúla Magnússonar frá embætti umboðsmanns Alþingis frá og með 1. október nk.

Kvörtun til landlæknis ekki lögð í réttan farveg

Thu, 13 Jun 2024 10:38:11 GMT

Heilbrigðisráðuneytið fór ekki að lögum þegar það staðfesti málsmeðferð landlæknis á kvörtun, þar sem embætti landlæknis lagði málið ekki í réttan farveg.

Skýra þarf stjórnsýslulega stöðu ríkissáttasemjara

Tue, 11 Jun 2024 09:10:00 GMT

Taka þarf skýrari afstöðu til stjórnsýslulegrar stöðu ríkissáttasemjara og þá hvort hann er sjálfstætt stjórnvald eður ei. Þetta kemur fram í áliti umboðsmanns sem hann hefur sent bæði forseta Alþingis og félags- og vinnumarkaðsráðherra.

Úrskurðarnefnd um upplýsingamál beðin um upplýsingar um stöðu mála og málshraða

Mon, 10 Jun 2024 10:02:40 GMT

Umboðsmaður hefur óskað eftir upplýsingum frá úrskurðarnefnd um upplýsingamál um stöðu og fjölda mála hjá henni. Meðalmálsmeðferðartími nefndarinnar hefur ekki verið lengri í átta ár og úrskurðum hefur einnig fækkað töluvert undanfarin ár.

Seinagangur við afgreiðslu mála hjá menningar- og viðskiptaráðuneytinu

Wed, 05 Jun 2024 11:22:00 GMT

Umboðsmaður átelur málsmeðferð menningar- og viðskiptaráðuneytisins í kjölfar kvartana yfir töfum á afgreiðslu mála hjá því. Ráðuneytið hafi brotið gegn málshraðareglu stjórnsýslulaga og viðbrögð þess við fyrirspurnum umboðsmanns hafi einnig ítrekað borist seint og illa.

Óútskýrðar tafir hjá Orkustofnun

Tue, 04 Jun 2024 10:21:00 GMT

Umboðsmaður hefur sent Orkustofnun ábendingar og óskað eftir upplýsingum vegna málshraða og afgreiðslutíma hjá stofnuninni. Er þetta tilkomið vegna kvörtunar sem tók Orkustofnun meira en tvö ár að afgreiða.

Rannsókn og rökstuðningi ábótavant við synjun endurgreiðslu sjúkrakostnaðar erlendis

Thu, 16 May 2024 14:26:00 GMT

Úrskurður úrskurðarnefndar velferðarmála, þar sem staðfest var synjun Sjúkratrygginga um endurgreiðslu sjúkrakostnaðar í Þýskalandi, fullnægði ekki kröfum laga til rannsóknar og rökstuðnings.

Ráðuneyti grípi til markvissra aðgerða vegna afgreiðslutíma kvartana hjá landlækni

Mon, 13 May 2024 11:17:00 GMT

Umboðsmaður beinir því til heilbrigðisráðuneytisins að grípa nú þegar til markvissra og raunhæfra aðgerða til að unnt sé að fækka kvörtunarmálum sem bíða afgreiðslu hjá landlækni. Vandinn sé ærinn, hafi verið það um árabil og fari vaxandi. Þýðing lagabreytinga sem taki gildi næsta haust sé óljós og tafarlausra aðgerða þörf.

Óskað eftir skýringum vegna gjaldskrár Sorpu

Thu, 02 May 2024 10:05:00 GMT

Sorpa bs. hefur verið beðin um upplýsingar um hvort gjaldskrá hennar hafi verið birt lögum samkvæmt og ef ekki er óskað skýringa á því. Þá biður umboðsmaður sérstaklega um skýringar á innheimtu gjalds fyrir meðhöndlun raf- og rafeindatækjaúrgangs og hvernig hún samrýmist lögum um meðhöndlun úrgangs.

Ríkislögreglustjóri spurður um notkun lögreglunnar á einkennismerkjum

Mon, 29 Apr 2024 11:14:58 GMT

Óskað hefur verið eftir upplýsingum og skýringum frá ríkislögreglustjóra á notkun lögreglunnar á einkennismerkjum.

Ófullnægjandi samanburður á umsækjendum um starf

Tue, 23 Apr 2024 11:02:25 GMT

Byggðasamlag gætti hvorki að rannsóknarreglu stjórnsýslulaga né meðalhófsreglu þegar manneskju var sagt upp störfum við skipulagsbreytingar. Þá var ekki gerður fullnægjandi samanburður á umsækjendum um nýtt starf sem auglýst var í kjölfarið þar sem litið var fram hjá faglegri reynslu.

Persónuvernd gætti ekki að andmælarétti

Fri, 19 Apr 2024 11:32:44 GMT

Persónuvernd gætti ekki jafnræðis við meðferð kvörtunar þegar sá sem kvartaði fékk ekki tækifæri til að tjá sig um efni bréfs frá gagnaðila.

Rangar forsendur fyrir réttri niðurstöðu

Thu, 11 Apr 2024 10:19:51 GMT

Bílastæðasjóður Reykjavíkur lagði ekki að öllu leyti réttar forsendur til grundvallar stöðubrotsgjaldi sem átti þó rétt á sér.

Verklag við varðveislu myndefnis á Litla-Hrauni verði skoðað

Mon, 08 Apr 2024 14:04:59 GMT

Umboðsmaður beinir því til Fangelsisins Litla-Hrauni að skoða hvort ástæða sé til að koma á formlegu verklagi um varðveislu efnis úr öryggismyndavélum þar. Í því samhengi áréttar hann hve mikilvæg myndvöktun getur verið við að fyrirbyggja ómannlega eða vanvirðandi meðferð á frelsissviptu fólki sem og við að hlífa starfsfólki við óréttmætum ásökunum þar um.

Varðveisla og meðhöndlun gagna Innheimtustofnunar sveitarfélaga ekki í samræmi við lög

Tue, 26 Mar 2024 10:13:44 GMT

Ekki var gætt að skyldum Innheimtustofnunar sveitarfélaga um varðveislu og meðhöndlun gagna sem lögmannsstofa sá um fyrir hennar hönd.

Viðbrögð fjármálaráðuneytis við eftirfylgni vegna Íslandsbankaálits

Thu, 21 Mar 2024 13:32:00 GMT

Í tengslum við gagnaöflun umboðsmanns fyrir skýrslu ársins 2023 hefur fjármálaráðuneytið gert grein fyrir viðbrögðum og ráðstöfunum þess í kjölfar álits vegna sölu á hlut ríkisins í Íslandsbanka.

Úrskurður verður að bera með sér að sjálfstæð endurskoðun hafi farið fram

Wed, 20 Mar 2024 11:04:17 GMT

Úrskurðarnefnd velferðarmála færði ekki fram fullnægjandi rök fyrir niðurstöðu sinni þegar hún staðfesti ákvörðun Vinnumálastofnunar um að endurgreiða bæri ofgreiddar bætur.

Ný rafræn kvörtunarleið hjá umboðsmanni

Fri, 15 Mar 2024 14:27:11 GMT

Ný rafræn kvörtunarleið verður tekin í notkun hjá umboðsmanni í gegnum vefgáttina island.is mánudaginn 18. mars.

Reglugerð um hjálpartæki breytt í kjölfar fyrirspurnar

Thu, 07 Mar 2024 13:59:08 GMT

Reglugerð um styrki vegna hjálpartækja verður breytt eftir athugasemdir umboðsmanns. Heilbrigðisráðuneytið tekur undir að hún sé ekki nægilega skýr hvað snertir nauðsynleg hjálpartæki til leiks og tómstunda fatlaðra barna.

Heildstætt mat gjafsóknarbeiðna

Tue, 05 Mar 2024 13:07:00 GMT

Dómsmálaráðuneyti og gjafsóknarnefnd er bent á að meta þurfi gjafsóknarbeiðnir m.t.t. allra þeirra sjónarmiða sem máli skipta og að ekki eigi að veita því afgerandi vægi hvort sérfróður meðdómsmaður hafi tekið þátt í meðferð máls í héraði.

Spurt um eyðingu efnis úr eftirlitsmyndavélum á Litla-Hrauni og verklag við líkamsleit

Thu, 22 Feb 2024 10:45:33 GMT

Óskað hefur verið eftir upplýsingum frá Fangelsismálastofnun og Fangelsinu Litla-Hrauni um myndbandsupptökur úr öryggisklefum og meðhöndlun þeirra.