Hinn 4. október 2012 kvartaði A yfir því að Þjóðskrá Íslands hefði ekki svarað erindi frá 29. ágúst 2012 varðandi aðgang að gögnum í vörslum stofnunarinnar.
Umboðsmaður Alþingis lauk athugun sinni á málinu með bréfi 19. desember 2012.
Í skýringum Þjóðskrár Íslands til umboðsmanns vegna málsins kom fram að A hefðu verið send gögnin með bréfi 5. nóvember 2012. Umboðsmaður taldi því ekki tilefni til að taka málið til frekari meðferðar og lauk athugun sinni á því. Hann leiðbeindi A jafnframt um að ef hann væri ósáttur við afgreiðslu Þjóðskrár Íslands á erindinu gæti hann skotið málinu til innanríkisráðuneytisins.
1993, nr. 37. Stjórnsýslulög. - 19. gr., 26. gr.
1997, nr. 85. Lög um umboðsmann Alþingis. - a-liður 2. mgr. 10. gr.