Valfrjáls bókun við samning Sameinuðu þjóðanna gegn pyndingum og annarri grimmilegri, ómannlegri eða vanvirðandi meðferð eða refsingu. Markmiðið með bókuninni er að koma á reglubundnum heimsóknum alþjóðlegra og innlendra óháðra aðila á staði þar sem einstaklingar eru eða kunna að vera sviptir frelsi sínu, með það fyrir augum að koma í veg fyrir pyndingar og aðra illa meðferð þeirra eða refsingu.

Aðili sem ríki tilnefnir eða kemur á fót innanlands til að annast heimsóknir á grundvelli OPCAT í þeim tilgangi að koma í veg fyrir pyndingar og aðra grimmilega, ómannlega eða vanvirðandi meðferð eða refsingu. Á ensku kallast það National Preventive Mechanism (NPM). Á Íslandi sinnir umboðsmaður Alþingis þessu hlutverki.

Hvers konar hald, fangelsun eða færsla einstaklings samkvæmt fyrirmælum yfirvalda í gæsluaðstöðu, opinbera eða á vegum einkaaðila, þar sem hann er ekki frjáls ferða sinna.

Sérhver staður innan lögsögu eða undir yfirráðum ríkisins þar sem einstaklingar eru eða kunna að vera sviptir frelsi sínu, annaðhvort samkvæmt fyrirmælum opinbers aðila, að undirlagi hans, með samþykki hans eða þegar slík frelsissvipting er látin átölulaus af hans hálfu.

Þegar opinber starfsmaður, eða handhafi opinbers valds, hefur frumkvæði að, samþykkir eða lætur óátalið að öðrum einstaklingi sé vísvitandi valdið alvarlegum líkamlegum eða andlegum sársauka eða þjáningum. Það á við ef slíkt er gert í því skyni að fá upplýsingar, fá hann til að játa, refsa honum fyrir eitthvað sem hann hefur gert eða er grunaður um að hafa gert, hræða hann eða neyða til hlýðni.

Þegar opinber starfsmaður eða handhafi opinbers valds, hefur frumkvæði að, samþykkir eða lætur óátalið að öðrum einstaklingi sé valdið alvarlegum líkamlegum eða andlegum sársauka eða þjáningu sem þó telst ekki til pyndinga.