A, sem var öryrki og orðin 67 ára, leitaði til mín vegna þess að henni hafði verið synjað um endurgreiðslu söluskatts af ábyrgðartryggingu bifreiðar sinnar á þeirri forsendu, að hún væri orðin ellilífeyrisþegi og ætti því ekki lengur rétt á endurgreiðslu söluskattsins sem öryrki skv. 2. mgr. 2. gr. reglna nr. 423/1988, um endurgreiðslu söluskatts af iðgjöldum af ábyrgðartryggingu bifreiða í eigu fatlaðra. Ég sendi fjármálaráðuneytinu kvörtun A, þar sem ekki lá fyrir úrskurður þess í málinu. Í svari ráðuneytisins kom fram að reglum nr. 423/1988 hefði verið breytt, þannig að fötluðum ellilífeyrisþegum væri tryggður sami réttur áfram.