A kvartaði yfir töfum á meðferð og afgreiðslu Samgöngustofu á kvörtun vegna ágreinings við skoðunarstofu um framkvæmd og niðurstöðu skoðunar á ökutæki.
Í svari Samgöngustofu við fyrirspurn umboðsmanns um hvað liði meðferð og afgreiðslu málsins var upplýst um að ákvörðun hefði verið tekin í málinu í kjölfar fyrirspurnar umboðsmanns og kynnt A. Þá kom fram að Samgöngustofa ynni nú að úrbótum á afgreiðslutíma svipaðra mála. Lauk umboðsmaður því athugun sinni á málinu.
Umboðsmaður lauk málinu með bréfi 27. janúar 2026.